الحارثي
عدد المساهمات : 74
تاريخ التسجيل : 03/03/2011
 | | موضوع: الهلال قصايد الإثنين مارس 28, 2011 10:58 am | |
|
السلام عليكم..
القصيدة الأولى
هذا الهلال اللي على الفوز معتاد
هذا الزعيم اللي يقولون وينه
له هيبة يرهب بها كل الاضداد
وارجال تصدق فعلهم خابرينه
الفرق واضح كل يوم ويزداد
بين النوادي والأسد في عرينه
الهلال ماله عن مشاهيه رداد
زعيم فوق الكل يمشجعينه
حقيقة بانت على روس الاشهاد
في ليلة تاريخها حافظينه
ليلة خميس وخير وبرق ورعاد
كأس الكؤوس اللي بقى جايبينه
اهلالها زاد المسافة والابعاد
بين الوطن واللي ترى امنافسينه
شلهوب موهوب لعب كيف ماراد
وصاه ذيب غاب يافاقدينه
نواف والجمعان للباب جلاد
له شوتةٍ حراسها خايفينه
وجمهور لون الموج ويهز الإستاد
واضعافهم في كل بر ومدينه
وابختصر قولي عن اهروج نِقاد
كبت المشاعر صعب يالايمينه
قول المثل معروف من عصر الاجداد
لعب الكعابة غلبة فيه شينه
للشاعر / فهد بن عقيل الطويان
الثانية
يا مرحبا اليوم بالشجعان
أقولها أول وتالي
اقولها لراعي الكيسان
اللي رفع روسنا عالي
يا هلالنا الفذ يا فنان
انت دوام على البالي
هذا البطل حطم اليابان
وارهبهم الموج بافعالي
ردوا لنا الدين في لبنان
وتحقق الثار بافعالي
هذا البطل داخل الميدان
قوة وشدة وزلزالي
في يوم الاثنين من رمضان
شفتوا ابو اثنين وش شالي
السوبر اللي خذه يا خوان
خلا جماهيره تلالي
وخصمه خذالهم والاحزان
ودمع على الخد همالي
وللعالمية بكل اتقان
وللاندلس حط الارحالي
ولاسبانيا كل شيء زان
درب تمنوه الابطالي
ورياضة قادها سلطان
هو مجدها وعزها الغالي
ابوفهد يسلم بليهان
قمة وهمة ومدهالي
مع نايبه شيدوا البنيان
وشالوا ثقيلات الاحمالي
ولسعود بن تركي العرفان
ساس الذهب والفخر نالي
واعضاء الشرف للبطل عوان
ما قصروا بمد الاموالي
وكل الوطن لاجلهم فرحان
والكل من فوزهم سالي
واقول انا من فم مليان
أقول مبروك يا هلالي
للشاعر /محمد بن عبدالعزيز الخنيفر
الثالة والأخيرة
اكتمل عقد البطولات في الصرح الهلالي
جابوا النخبة صناديد الزعيم
سلموا لي على كل الرجالي
وأول المدح للرجل الحشيم
أبو تركي وجه خير ووجه فالي
راسم خط واضح مستقيم
وشح الموج الأزرق بالجمالي
من كلامه كم تعلم من غشيم
التواضع من سماته في المقالي
عادة للهلالي من قديم
شرق أو غرب وجنوب وشمالي
يا جماهير الأزرق في نعيم
نشكر الله ونعيد السؤالي
و ذا كلام يوقع في الصميم
من ينافس زعامتنا محالي
بالبطولات والعقل السليم
يا نجوم البطولة مواقفكم جزالي
فوزكم صار شيء مستديم
وللمؤسس بعد جالي مجالي
نشكر الشيخ والرمز المقيم
والتحيات للعضو المثالي
دعمهم قرب الكأس العديم
غالي الفوز هذا كأس غالي
وفهم الرمز يالرجل الفهيم
للشاعر / ناصر شافي البقمي
وسلامتكم
postamble();
رد مع اقتباس
الثانيه
البطولة للوطن جابها نادي الهلال
البطولة للوطن جابها أبطال الزعيم
الدعيع حارسٍ راسيٍ مثل الجبال
والشريدة دفاعنا وأحمد الدوخي حكيم
ويوسف النمر إن حضر صال في الملعب وجال
قائد الأزرق يحفظه ربنا العالي العظيم
وسامي هداف العرب من جنوبه والشمال
صانع ألعابٍ ظهر "سامي" في الهجمه فهيم
وهذا نواف الذهب وذاك شلهوب النضال
وذا عمر برقه ظهر والمطر هتان ديم
الهلال بمن حضر يوم قال القول طال
والزعامة واضحة من جديد ومن قديم
وفي النهاية ننتظر من رجاجيل الهلال
في النهاية ننتظر.. عالمية للزعيم
للشاعر / حمد عبدالرحمن حمد الشيحان
وخامسة
دامت افراحك يا نادي الهلال
وارتفع مجدك على طول الزمن
وعشت يا نادي ما يعرف المحال
ولا يعرف الياس ولا للياس ركن
التحدي مهنته في يوم النزال
بعزمه اللي ما يلين ولا يكن
البطولة ما لها غير الابطال
الزعيم اللي اسمه باسمها اقترن
البطولة للبطل بليا جدال
مجود خطامها باقوي رسن
الله اكبر يوم صال وجال
وقدم في الملعب كل فن
علم الكوري ومن هو غرب باعتدال
من يقابل الزعيم لابد للزعيم ذعن
الذهب والذهب في كل حال
للهلال اللي ماخاب فيه ظن
البطوله فاز به والكاس نال
وقدم احلى سمفونية باحلى لحن
واكتمل عقد الثلاثين بالكمال
علموني من يشبه الهلال من
الهلال اللي لين قال طال
بالرجال اللي تدعمه بلا من
ارفع الرأس فوق عال
انت سعودي ومجدك للوطن
ونشدت جماهيره نشيد الاحتفال
ورددت اصداها كل القرى والمدن
والف مبروك يقولها للرجال
اللي يعملون بصمت بلا علن
للشاعر / زيد بن علي العيد
وسادسة
يا هلال غرد كنك الطير ياهلال
عاداتكم كسب الثناء والجمالة
رجال عقبله ثلاثين رجال
نعم الوفاء نعم السعد والوفاء له
أميركم قايد وفارس وخيال
لا تكتك الموضوع ينجح مقاله
يتعب ويسهر يبني احلام وآمال
يسعى لكسب الفوز رمز الشكالة
هد الهلال وهدت الطير غربال
صاد الفريسة والفريسة عشاء له
هذا الهلال اليوم مضرب للأمثال
زعيم كل الاندية في مجاله
سامسونج جابيليو وبيروزي أبطال
لكن لقوا صقراً قوية حباله
يقودهم يوسف وسامي ومن قال
أنا هلالي يعتزي في رجاله
لبوا شماغ العز من فوقه عقال
تشريف للدولة ومنهو عنا له
مبروك كأس آسيا ومبروك يارجال
عاداتكم كسب الثناء والجمالة
| |
|
